Upgrade to remove ads
Only $35.99/year

Brennu-Njálssaga próf 5

Terms in this set (18)

Hvaða mönnum lýsa þeir Kári, Mörður og Þorgeir skorageir sök á hendur vegna brennunnar?
Mörður lýsti sök á hendur Flosa fyrir víg Helga. Þorgeir stóð síðan upp, nefndi sé votta og sakaði Glúm um að hafa kveikt í húsinu. Kári sækir Kol Þorsteinsson, Gunnar Lambason og Grana Gunnarsson til saka fyrir hin vígin.
Með hvaða klækjum kom Eyjólfur Bölverksson Flosa undan því að þurfa að svara til saka fyrir brennuna?
Eyjólfur Bölverksson hafði komið því í kring að Flosi var búinn að segja sig í goðorð Þorgeirs (norðlendingadóm) og það olli vandræðum á þingi því Mörður hafi sótt málið í Austifirðingadóm.
Hvers vegna fjarstýrir Þórhallur Ásgrímsson sókn brennumálsins úr tjaldbúð sinni?
Vegna þess að hann átti við fótamein að stríða.
Hvernig var gert út um brennumálin á þingi?
Eyjólfur ver Flosa með því að segja að Mörður hafi farið vitlaust að málinu með því að stefna málinu í vitlausan dómstól. Þórhallur lá heima í búð með sár á fæti. Þegar hann frétti af mistökum Marðar tók hann spjót, stakk á sárið svo að gröftur rann úr og fór á þingið óhaltur. Hann drap Grím, frænda Flosa. Þá brýst út bardagi þar sem lið Kára er öflugra en lið Flosa og Flosi og félagar hörfa að lokum. Daginn eftir bíður Hallur fram sættir en Kári vill ekki láta fallna menn bæta fyrir þá sem brunnu inni. Allir nema Kári og Þorgeir sættast. Flosi og lið hans þurfa að borga eftirfarandi fyrir hvert víg: Þrenn manngjöld fyrir Njál, tvenn manngjöld fyrir Bergþóru, Grím og Helga. Fyrir Skarphéðin var borgað jafn mikið og fyrir Höskuld (þrenn manngjöld) og ein manngjöld fyrir restina. Kára fannst ekki vera hægt að bæta fyrir víg sonar síns með peningum. Flosi og hans menn fengu þriggja ára frest til að fara út landi og þeir áttu að vera þrjú ár úti hins vegar máttu Lambi Gunnarsson og Gunnar Lamabason ekki koma aftur til Íslands.
Kári og Þorgeir drápu marga brennumenn en Ketill í Mörk komst undan. Hvers vegna vildi Kári hlífa Katli?
Kári vill ekki drepa Ketil þar sem þeir eru tengdir, þ.e. báðir giftir Njálsdætrum.
Hvaða bætur eru Þorgeiri skorageir boðnar eftir brennuna og hvernig tengist Þorgeir fólkinu á Bergþórshvoli?
Það var haldinn sáttafundur þar sem Þorgeir fékk þriðjung bótanna eftir Njál og hans fjölskyldu. Flso verður líka að standa við allt sem honum var ráðið að gera (borga og fara í þrjú ár). Þorgeir gerir líka skilmála. Hann segir að meðan Kári er hjá honum í Holti megi enginn gera honum mein og einnig að hann megi ekki gera neinum mein heldur. Þorgeir er bróðursonur Njáls.
Hvers vegna vill Kári ekki sættast við Flosa og hans menn, þrátt fyrir að Þorgeir skorargeir sættist við þá og hvers vegna fer hann frá Holti?
Kári fór frá Holti vegna þess að hann vildi ekki draga Þorgeir inn í deilurnar. Þorgeir var búinn að sættast en Kára fannst að enn væri eftir að bæta fyrir son hans, Þórð.
Hvers vegna biður Kári Þorgeir um að sjá um konu sína og dætur?
Vegna þess að hann ætlar að hafa uppi á þeim sem stóðu fyrir Njálsbrennu og hefna fyrir Þórð. Þetta vissi Þorgeir.
Hver mælir og um hvern? „hræðumst vér hann nú alls ekki er hann er einn síns liðs".
Þetta sagði Grani Gunnarsson um Kára.
Hvað merkir orðatiltækið: „ber er hver að baki nema sér bróður eigi"?
Þetta merkir að enginn getur staðið einn. Allir þurfa einhvern til að standa við bakið á sér.
Hvenær taldi Kári að fullhefnt væri fyrir son sinn?
Þegar hann hafði fellt Kol Þorsteinsson og Gunnar Lambason en þeir voru þeir síðustu af þeim 15 sem Kári vóg til að fullhefnt væri fyrir son hans, Þórð.
Hvers vegna reiðist Sigurður Orkneyjajarl Flosa og hver kemur honum til bjargar?
Vegna þess að Helgi Njálsson var einu sinni hirðmaður hans og var ekki sáttur að heyra að Flosi hefði drepið hann. Þorsteinn Síðu-Hallsson kom þeim til bjargar vegna þess að Flosa var kvæntur Steinvöru systur Þorsteins.
Hvað hafði Gunnar Lambason gert til að Kári reiddist og hjó af honum höfuðið?
Sigurður hélt jólaboð sem var sagnaskemmtun, þar sem Gunnar sagði söguna af Njálsbrennunni. Hann sagði alls ekki rétt frá og saðgi að Skarphéðinn hefði grátið undir lokin. Kári varð reiður við að hlusta á allar þessar lygar og stökk því fram og hjó af honum höfuðið.
Sigurður jarl vill láta handtaka Kára fyrir drápið á Gunnari Lambasyni. Hver kom Kára þá til bjargar?
Það var hann Flosi.
Hvert er síðasta mannvígið í Brennu - Njálssögu?
Síðasta mannvíg Brennu- Njálssögu er þegar Kári hittir fyrir Kol Þorsteinsson úti og heggur af honum höfuðið. Þá hefur Kári f Til að hitta páfann og fá synda- fyrirgefningu. ullhefnt fyrir son sinn.
Hvaða erindi áttu Flosi og Kári til Rómar?
Til að hitta páfann og fá synda- fyrirgefningu.
Hvaða atburð mætti kalla „innsigli endanlegra sátta í Njálu"?
Þegar Kári fer til Íslands en lendir í vondu veðri og skipið ferst við Íslandsstrendur fer hann í Svínafell og hittir þar Flosa. Flosi hjálpar honum og giftir hann Hildigunni Starkaðardóttur sem er fyrrum eiginkona Höskuldar Þráinssonar og því var ekkert annað í boði en að sættast.
Hvernig er hægt að tala um það að Kári og Hildigunnur tengist bæði þolendum og gerendum í sögunni?
Kári og Hildigunnur eru bæði þolendur og gerendur. Kári er að hjálpa Njálsbræðrum við að drepa Höskuld Þráinsson, sem var maðurinn hennar Hildigunnar. Hildigunnur eiginlega píndi Flosa til þess að hefna fyrir drápið á Höskuldi. Flosi fór með lið sitt og brenndi Bergþórshvol þar sem sonur Kára brann inni, og þá fór Kári að hefna fyrir son sinn og drap 15 manns.
Students also viewed